Шпанија по вторпат светски првак
Шпанија е освојувач на 18. Светско првенство во кошарка, освојувајќи го вторпат кошаркарскиот Мундијал по убедливата 95:75 (23:14, 20:17, 23:16, 29:28) победа над Аргентина во „Кадилак арената“ во Пекинг.
По сите изненадувања на Мундијалот, Шпанците во финалето почнаа цврсто, не давајќи им шанса на Аргентинците да „дишат“, добивајќи ја првата четвртина со 23:14, предност која на полувреме достигна до 12 поени (43:31).
И второто полувреме почна идентично, откако „фуријата“ ја доби третата четвртина со 23:16 и иако Аргентинците имаа подобра последна четвртина, пропустите од стартот на мечот не дозволија тие да се доближат до незапирливата „Фурија“.
Рики Рубио постигна 20 поени, Серхио Љуљ додаде 15, додека Марк Гасол, кој стана вториот кошаркар по Ламар Одом со трофеј од СП и од НБА лигата во иста година, постигна 14 поени и имаше 7 скока и 7 асистенции. За Аргентинците, Габриел Дек уфрли 24 поени, а Николас Лапровитола 17. Луис Скола беше целосно „затворен“ и првите поени од игра ги постигна во последната четвртина, завршувајќи со само 8 поени.
Ова е втор трофеј на Шпанија на СП по тој во 2006 година, додека Аргентинците не успеаја да стигнат до втората титула по таа во далечната 1950 година. Претходно во мечот за третото место, Франција ја освои бронзата со победа над репрезентацијата на Австралија.
Ново на Сител
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка