Спорт плус
4. July 2022 - 10:38

Шпанија светски првак по изведувањето пенали

Шпанските ватерполисти по третпат станаа светски прваци, откако во финалето ја совладаа Италија, со подобро изведување пенали (15:14), откако во регуларниот дел резултатот беше 9:9.
 
Шпанците имаа два гола предност во последниот период, а Италија успеа да израмни и се избори за изведување пенали. Сепак, „црвената фурија“ славеше по голема драма.
 
Ова своевидна одмазда на Шпанците за 2019 година, кога Италија ги совлада и стана светски шампион. Третата позиција ѝ припадна на Грција која беше подобра од Хрватска со 9:7.