Македонија
20. July 2016 - 13:56

Силувана жена во Прилеп

А.Р. (31) од Прилеп пријавила дека ја силувало непознато машко лице, соопшти полицијата. 

Немилиот настан се случил завчера вечерта, откако се враќала дома, во три часот по полноќ.

Според А.Р., непознатото лице управувало возило со битолски регистарски ознаки кога ја пресретнало на улицата „11-ти Октомври“ и ја понудило да влезе. Таа се вознемирила и му рекла да си оди по што продолжила пеш кон нејзиниот дом. Сторителот повторно се доближил со возилото до неа и насила ја внел внатре, се упатил кон периферијата на градот и извршил обљуба. Откако ја вратил назад и се заканил дека ќе ја убие ако каже некому или ако пријави во полиција.

Над оштетената бил извршен општ и гинеколошки преглед.

Полициската станица - Прилеп презема мерки за пронаоѓање на сторителот и за целосно расчистување на случајот.