Симон Трпчески настапи на добротворен концерт во Лондон
Македонскиот пијанист Симон Трпчески, по концертите во Бирмингем и Стоук-Он-Трент со Бирмингемскиот симфониски оркестар, синоќа беше дел од избраната екипа на гала добротворниот концерт насловен „Ноќ под ѕвездите“ на сцената на Ројал фестивал хол во Лондон.
На програмата беа дела од американските класичари на 20-от век, како Бернштајн, Барбер, Роџерс, Копланд, а Трпчески ја изведе Гершвиновата „Рапсодија во сино“.
На вечерта од која што приходот е наменет за поддршка на лондонските бездомници, под диригентската палка на Тоби Пурсер настапија и младите музичари од Орион оркестарот, органистот Џејмс О’ Донел, добитничката на Греми, сопранистката Ребека Еванс, баритонот Марк Стоун, во соработка со наградуваната добротворна организација „Стритвајс Опера“.
Македонскиот пијанист утревечер ќе настапи во Стоук-Он-Трент со самостоен рецитал, по што му претстојат уште неколку настапи, меѓу кои во Лисабон со Португалскиот симфониски оркестар.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка