Синдикатот на УКИМ го одложи протестот, за барањата ќе има дијалог со МОН и МФ
Сојузот на синдикати на Универзитетот „Св. Кирил и Методиј“-Скопје денеска донесе одлука да го одложи протестот што беше најавен за 30 јуни бидејќи добиле одговор од Владата дека за нивните барања ќе разговараат со надлежните министерства.
-Ве информираме дека од Владата на РСМ добивме одговор на нашите барања за потпишување колективен договор и покачување на платите со кој се задолжуваат министерствата за образование и наука и за финансии за разговори во врска со нашите барања, и покрај тоа што основач на Универзитетот „Св. Кирил и Методиј“ е Собранието, со кое Синдикатот водеше преговори и го усогласи во целост нормативниот текст од колективниот договор, освен делот на покачување на платите, се наведува во соопштението.
Сојузот на синдикати на УКИМ очекува дека Владата и двете министерства ќе ги разгледаат нивните, како што наведува „оправдани и разумни барања и позитивно ќе одговорат“ и додава дека со одлуката за одложување на протестот сакаат да овозможат егзистенцијалните барања да ги остварат низ дијалог.
-Но, доколку нашите барања не бидат прифатени, ќе организираме протести и септемвриската испитна сесија нема да биде спроведена, стои во дописот од Сојузот на синдикати на УКИМ потпишан од неговиот претседател проф. д-р Ангел Ристов.
Синдикатот на УКИМ на 2 јуни го изрази незадоволството пред Ректоратот на Универзитетот, а задутре требаше да организира мирен протест пред Владата кој со денешната одлука е одложен.
Ново на Сител
-
Над 100.000 граѓани не ги зеле личните документи во законскиот рок
-
Парламентарни избори 2024
-
Претседателски избори 2024
-
Мостот Беласица затворен, повторно ја тестираат издржливоста
-
Транспортиран пациент од Унгарија
-
Охридското езеро под притисок од пловилата
-
Вучиќ и се „заблагодари“ на Македонија што е коспонзор на резолуцијата за Сребреница
-
Аеро клубот „Штип“ одбележа 100 години од своето постоење