Скрининг за Ковид-19 во кумановските средни училишта, еден ученик позитивен
Од првичниот скрининг на средношколци во Куманово, еден ученик од „Наце Буѓони“ е позитивен на коронавирус, информираа денеска надлежните од Центарот за јавно здравје Куманово.
Епидемиолозите информираа дека во текот на денот ќе биде направен потврден ПЦР тест и ќе се постапи согласно протоколите за оваа состојба.
На првиот ден тестирани се ученици од прва смена од гимназијата „Гоце Делчев“ и од стручните училишта „Перо Наков“ и „Наце Буѓони“. Утрово се тестирани седум ученици од „Перо Наков“, 20 од гимназијата и 16 ученика од „Наце Буѓони“.
– Во текот на овој ден ќе бидат опфатени останатите деца што се предвидени во средните училишта, сите резултати се негативни освен еден резултат, позитивен кај ученик во техничкото училиште „Наце Буѓони“. Според протоколот, ќе направиме и ПЦР тест во текот на овој ден, и ќе постапуваме според протоколи за позитивен ученик.По направената анкета ќе се направи изолација на најблиските контакти на ученикот. ПЦР тестот е бесплатен ќе оди по епидемиолошки индикации, додека за скринингот тестовите се набавени преку Министерството за здравство и новина е тоа што ние како тим ги извршуваме тестовите на самото место во самото училиште, изјави раководителката на епидемиолошкото одделение, д-р Јадранка Стаменковска.
Екипите на Центарот ги презеле предвидените подготовки за скринингот на учениците.
Ќе бидат опфатени ученици од Куманово, Липково, Старо Нагоричане каде веќе е завршен скрингот и ученици од општините Крива Паланка, Кратово и Ранковце. Во Куманово до крајот на неделава со скринингот е планирано да бидат опфатени 730 средношколци и основци за кои родителите дале согласност до 26 октомври годинава, а со скринингот требало да бидат опфатени 1.000 ученици.
Ново на Сител
-
Се скарале па го турнал по скали
-
Маж пронајден починат на паркинг во Центар, телото предадено на обдукција
-
Почина работник откако врз него паднал бетонски столб
-
Со скалпел го исекол на вратот и увото, обид за убиство на малолетник во тетовско
-
Вучевиќ: Во септември 2025 година првата класа на Војската на Србија од редовниот регрутен состав
-
Телото на Хасан Насрала е пронајдено, соопштија лекар и припадник на безбедносните сили
-
Во Кичево приведен бегалец од затвор, спроведен е за доиздржување на казната
-
МЗТ Скопје по седми пат го освои Суперкупот