Снегот се уште предизвикува проблеми во Грција
Ниските температури и обилните врнежи од снег, кои се невообичаени за Грција, се уште создаваат огромни проблеми во транспортот и во секојдевниот живот на луѓето во северниот дел од земјата.
Како што јави дописникот на МИА од Атина, и денеска во Солун паѓа снег, а температурата е четири степени под нулата. Летовите до и од аеродромот „Македонија“ во моментов се одвиваат нормално, но многу летови вчера беа откажани поради обилните снежни врнежи.
За возилата кои се движат на регионалните патишта во северниот и северозападнит дел на Грција е задолжителна зимска опрема и синџири. Во северозападна Грција утрово се измерени и до минус 18 степени Целзиусови
Обилни снежни врнежи во моментов има и во централниот грчки град Лариса, каде температурата изнесува минус седум степени. Во Ламија снегот предизвика големи проблеми во сообаќајот, дури и на централните градски улици. Автобусите не возат, додека амбулантните и полициските возила мора да имаат синџири за снег за да се движат по градските улици.
Сообраќајот е забранет за камиони на автопатот Атина-Солун.
Во меѓувреме, островите Алонисос и Скопелос се уште се без електрична енергија и вода. Во некои делови на Алонисос паднале 2,5 метри снег, додека во Скопелос, по вчерашното невреме, паднал еден метар снег.
Ново на Сител
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште