Со грант од 260.000 евра од ИПА обнова на улици во Пехчево
Во Пехчево започнаа градежните работи за реконструкција на осум улици во градот, проект кој е вреден 260 илјади евра, а средствата се обезбедени од грант на ЕУ преку претпристапните фондови на ИПА, а администрирани според правилата на Светска банка.
Градоначалникот Игор Поповски, кој направи увид на стартот на работата на фирмата „Жикол“, која го добила тендерот за реконструкција, истакна дека ќе се реконструираат осумте најоштетени улици во должина од три километри на кои нема нов асфалт повеќе од три децении.
- Од оваа недела почнуваме со обележување на трасата на 8-те улици и очекуваме да бидат завршени согласно со договорената динамика со изведувачот. Во Пехчево ќе се реконструираат улиците „Моша Пијаде“, „Гоце Делчев“, „Маршал Тито“, „Ванчо Китанов“, „Страшо Пинџур“ „Првомајска“, „Пиринска“ и „Буковиќ“. Овие улици ќе бидат комплетно реконструирани, со нов асфалт и дополнително ќе бидат поставени тротоари, рече Поповски.
Реконструкцијата на улиците треба да заврши за четири месеци.
Ново на Сител
-
ВО ЖИВО: Нема настава во сабота
-
Тема на денот со претседателот на ДИК, Александар Даштевски
-
ССК: Кога среда е неработен ден, сте ја изгубиле цела недела
-
Во Југоистокот на државата запишани 1547 болни и изнемоштени лица
-
ВО ЖИВО: Подготовки во ДИК
-
Гласање во затвор „Идризово“, запишани 887 избирачи
-
Гласаат затворениците во Штип
-
Управен ја запре постапката за вработување на 130 кандидати за идни судии и јавни обвинители