СП Ракомет: Томовски и Димитриоски не отпатуваа за Минхен

Селекторот на македонската ракометна репрезентација, Раул Гонзалез го објави списокот на 18 учесници на Мундијалот во Германија и Данска.  Меѓу патниците ги нема голманот Мартин Томовски и Димитар Димитриоски.

Младиот Димитриоски кој игра на левата крилна позиција е најголемиот малер во националниот тим бидејќи се повреди на последниот тренинг иако важеше за сигурен патник на шампионатот и се очекуваше негова добра минутажа. Неговото место го зазеде Милан Лазаревски од Металург. Конечната бројка која ќе ја пријави Гонзалез е 16, така да преостанатите двајца ќе бидат резерви. Да потсетиме, во текот на СП селекторот ќе има право на максимум три замени во својот пријавен состав.

Ракометната експедиција рано утринава од Скопје преку Загреб замина за Минхен каде на 11. јануари во премиерниот меч игра против Јапонија.