СП2022: Новинарка ограбена во Катар, полицијата ѝ понудила да избере казна за сторителот
Аргентинска новинарка е ограбена во Доха во близина на зона во која се собираат навивачите за Светското фудбалско првенство, а при сослушувањето од полицијата и било ветено дека сторителот брзо ќе биде откриен и ѝ било понудено самата да избере казна за крадецот.
Инцидентот се случил додека новинарката Доминик Мецгер снимала прилог од Мундијалот во Катар за аргентинска телевизија, кога непознат сторител и го извлекол паричникот од чантата.
Мецгер по пријавување на случајот била однесена во друга полициска станица, во женски оддел, каде и било укажано дека треба да даде изјава.
-Тогаш се случи еден комплексен момент. Ме прашаа како сакам да биде казнето тоа лице. Ми објаснија дека камери се поставени насекаде и оти брзо ќе го најдат сторителот, појасни Мецгер.
Катарските полицајки на аргентинската новинарка и рекле дека самата може да избере казна за сторителот и притоа ја прашале дали сака да му биде изречена казна затвор во траење од пет години или да биде депортиран.
-Им одговорив дека навистина не сакам да се ставам во таква позиција и оти не можам да одлучувам за такви работи бидејќи не сум судија, рече новинарката на аргентинска телевизија.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари