Стартува четири дневната програма во ракометната Лига на шампиони

Со натпреварот кој вечерва ќе се игра во Загреб од 18 часот и 45 минути, а во кој хрватскиот првак ППД Загреб е домаќин на Париз Сен Жермен ќе започне 11.коло во машката ракометна Лига на шампони.

Утре на програмата се два натпревар. Од 19 часот ќе стартува дуелот Кристијанштад – Киелце, додека половина час подоцна (19:30) македонскиот шампион Вардар има тешко гостување кај германската екипа Рајн-Некар.

Останатите натпревари од ова коло ќе се играат во текот на викендот, а двојките се: Висла – Цеље, Бешикташ – Веспрем (сабота), Монпелје – Барселона, Пик Сегед – Колдинг и Фленсбург – Кил.

А група – табела: Фленсбург 16 бодови, ПСЖ 16, Веспрем 15, Кил 11, ППД Загреб 9, Висла 8, Целје 3 и Бешикташ 2.

Б група – табела: Барселона 15 бодови, Киелце 14, Рајн-Некар 13, Пик Сегед 13, Вардар 12, Монпелје 7, Кристијанштад 4 и Колдинг 2.