Кошарка
20. May 2016 - 9:21

Стојановски продолжува во Андора

Македонскиот кошаркарски репрезентативец, Војдан Стојановски и во наредната сезона, ќе го носи дресот на Мора Банк Андора, во најсилното национално натпреварување во Европа, шпанската АЦБ лига.
 
Стојановски (29), оваа сезона е еден од најдобрите играчи во тимот, кој не успеа да се пласира во плејофот, но поради своите добри партии од раководството на тимот доби нов едногодишен договор.
 
Репрезентативецот на Македонија, оваа сезона, во просек по натпревар има учинок од 12,2 поени, 2,4 скока и 2,2 асистенции.
 
Андора сезоната 2015/2016 ќе ја заврши викендов на натпреварот со Валенсија.