СЗО објави план за сузбивање на вирусот зика
Светската здравствена организација (СЗО) денеска објави план за сузбивање на вирусот зика, вреден 56 милиони долари, кој опфаќа зајакнување на надзорот на неговото ширење, контрола на комарците и брзи истражувања со цел производство на вакцина и вопоставување дијагноза.
СЗО ќе учествува со 25 милиони долари во фондовите потребни за борба против вирусот, кој го пренесуваат комарците, а кој досега се прошири на 39 земји и е поврзан со вродени аномалии кај новороденчињата во Бразил.
- Потребни се истражувања со цел да се процени присуството на вирусот зика во семената и другите телесни течности, вклучувајќи ги и течностите поврзани со бременоста, како и за потенцијалното пренесување на вирусот по сексуален пат и од мајка на дете, се наведува во Рамката за стратешки одговор и Планот за заеднички операции, кои денеска се објавени во Женева.
- Можната поврзаност со невролошките компликации и вродените недостатоци брзо го изменија степенот на ризик од блага закана до вирус со мошне сериозни размери, наведе генералната директорка на СЗО, Маргарет Чен во денеска објавениот план.
СЗО очекува дека финансиските средства ќе ги обебзедат државите членки и други донатори.
Здравствената агенција на ОН на 1 февруари прогласи глобална вонредна ситуација поради ширењето на вирусот зика, кој е поврзан со две невролошки нарушувања, микроцефалија кај бебињата и Гилен-Баровиот синдром, кој може да предизвика парализа.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање