СЗО против дезинформациите: Лукот не штити од корона вирусот
Светската здравствена организација тргна во борба против дезинформациите поврзани со корона вирусот. Под мотото Myth busters, на сајтот на СЗО, меѓу останатото, се укажува на фактот дека лукот не ги штити луѓето од инфекција со Covid-19.
Исто така, засега не постојат индиции дека домашните миленици се инфицирале од овој вирус.
„Не се бориме само против епидемија, туку и против инфодемија. Лажните вести се шират многу брзо и поедноставно од вирусот, а исто така се опасни“, вели шефот на СЗО Тедрос Гебрејсус.
За да се заштитат луѓето од новиот вирус е потребно често да ги мијат рацете и потоа добро да ги избришат. СЗО не советува УВ зрачење против вирусот бидејќи тоа предизвикува проблеми на кожата. Исто така, прскањето на кожата со алкохол и хлор не помага ако вирусите се веќе во телото.
Ниту маслото од сусам го убива Covid-19, истакнуваат од СЗО. Се наведува дека постојат повеќе хемиски средства за дезинфекција кои на површина го убиваат вирусот, како што се средствата за дезинфекција на база на хлор, етанол. Но, овие средства за дезинфекција не смеат да се ставаат на кожа. СЗО укажува и дека не се заканува опасност од инфекции на отворање писма или пакети од Кина.
„Од претходни анализи знаеме дека корона вирусот на предмети како што се писма и пакети не може долго да преживее“, се наведува во СЗО.
Покрај тоа се укажува дека антибиотиците и вакцинациите против воспаление на белите дробови, како што се вакцините против пнеумокока, не заштитуваат од новиот вирус.
Ниту редовната хигиена на носот не штити од инфекција, додаваат од СЗО, укажувајќи дека и тоа е една од низата дезинформации.
Ново на Сител
-
Полицијата уапси лица кои поседувале марихуана
-
Затворен угостителски објект во тетовско поради непочитување на работното време
-
Заев: Да ги послушаме препораките на здравствените работници и на Синодот на МПЦ-ОА и да го прославиме празникот одговорно
-
Митрополит г. Петар: До Третиот век Божик и Богојавление се празнувале во ист ден
-
Засилени акциски контроли во областа на сообраќајот, изречени вкупно 203 казни
-
Николовски за Водици: Ова е ден на вербата во нови почетоци, пред нас е година на можности и шанси за сите
-
Акција за спасување на 24 бегалци и мигранти на Лезбос, еден починат
-
Шилегов: Не спиеме, Скопје дефинитивно ќе има автобуско метро