СЗО: Вакцина за новиот коронавирус за 18 месеци
Коронавирусот, од кој досега животот го загубија повеќе од 1.000 луѓе во Кина, сега има официјално име, COVID-19, наместо досегашното привремено 2019-nCoV. Именувањето го потврди денеска генералниот директор на Светската здравствена организација, Тедрос Адханом Гебрејесус.
– Требаше да најдеме име што не се однесува на географска локација, животно, индивидуа или група на луѓе и што, исто така, е експлицитно поврзано со болеста, изјави Гебрејесус.
Според него, целта е да се спречи употребата на други имиња кои можат да бидат неточни.
– Ни дава стандарден формат за употреба за која било идна епидемија на коронавирус, објасни извршниот директор.Тој најави дека првата вакцина против коронавирус ќе биде готова за 18 месеци.
– Првата вакцина за COVID-19 може да биде готова за 18 месеци, така што ќе мора да користиме сè што е на располагање денес за борба против овој вирус, истакна тој. Гебрејесус објасни дека коронавирусот полесно се пренесува од човек-на-човек, но не е толку тежок како САРС-от. Генералниот директор го повика светот да ги здружи силите против коронавирусот за да избегне уште повеќе случаи и далеку поголеми загуби.
Досега има 42.708 потврдени случаи на заразени со COVID-19 во Кина и 1.017 жртви. Вон таа држава има 393 заразени во 24 држави и еден починат од тој вирус.
Ново на Сител
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите