Томсон: Македонија е важан сојузник на САД, без коментар на пропагандата на Путин
Македонија е важен сојузник на САД и оваа администрација продолжува со поддршката за влез на земјата во НАТО и имплементација на Преспанскиот договор со Грција. Очекуваме и Атина да го исполни својот дел од договорот, изјави за МИА Андреа Томсон, заменик државен секретар за контрола на вооружување и меѓународна безбедност.
На прашањето на МИА за ставот на американската Влада за ставот на рускиот претседател Владимир Путин дека Преспанскиот договор е постигнат под надворешен притисок и дека Македонија со сила сака да се внесе во НАТО, но и дека политиката на САД го дестабилизира Балканот, таа одговори: „Немам коментар на ставот на рускиот претседател, бидејќи тоа е политичка пропаганда неповрзана со стабилноста и безбедноста на Балканот.“
Пред да стане заменик државен секретар за контрола на вооружување и меѓународна безбедност, Томсон беше советник за национална безбедност на потпретседателот Мајк Пенс.
-Во ова својство имав можност да го посетам Балканот во текот на турнејата на поптретседателот Пенс на регионот и сакам да истакнам дека Македонија е важен сојузник на САД. Оваа администрација продолжува со поддршката за влез на земјата во НАТО со имплементација на Преспанскиот договор со Грција. Очекуваме и Грција да го исполни својот дел од договорот, изјави Томсон за МИА.
Таа денес е во Брисел каде со сојузниците од НАТО дискутира за прекршување на договорот за ликвидација на ракетите со мал и среден дострел од страна на Русија.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп