Трамп најавува прекин на трговски односи со државите кои имаат бизниси со Северна Кореја

Американскиот претседател Доналд Трамп напиша на Твитер дека САД разгледуваат прекин на сите трговски односи со држави кои имаат бизниси со Северна Кореја.

– Покрај другите опции САД разгледуваат целосен прекин на трговија со секоја држава која работи со Северна Кореја, наведе Трамп.

На новинарско прашање дали би дал наредба за напад врз Северна Кореја, Трамп денеска даде кус одговр: - Ќе видиме.

Тоа го кажа откако Пјонгјанг соопшти дека извршил досега најсилна нуклеарна проба како чекор повеќе во развојот на оружје што може да погоди дел од САД.