Три експлозии во воз, има мртви
Најмалку 24 лица се ранети денеска при три експлозии во вагон на патнички воз во тајванскиот главен град Тајпеј, јави сингапурскиот весник „Стрејтс Тајмс“. Возот патувал на релација од градот Хсинчу во северозападниот дел на Тајван, до североисточното пристаниште Килунг. Експлозиите се случиле додека возот се наоѓал на тајпејската железничка станица „Сонгшан“. Според очевидци на настанот, прво се слушнале три експлозии во еден од вагоните, по што избувнал пожар, кој набрзо бил изгаснат. Причините за експлозиите засега не се познати, но според полицијата, првичните наоди на истрагата не укажуваат дека станува збео за терористички напад. Сепак, локалните медиуми јавуваат дека некои од патниците забележале маж кој непосредно пред експлозиите минал низ вагонот и во него оставил чанта. Според полициски извори, на едно од седиштата во вагонот бил пронајден „црн предмет со должина од 20 сантиметри, кој наликувал на ракета за огномет“, но засега не е позанто дали тој предмет е поврзан со експлозиите.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април