Свет
23. May 2020 - 12:48

Тројца загинати во пожар во руска болница

 Три лица го загубија животот во пожар што избувна во болница во рускиот регион Татарстан, јави денеска руската агенција ТАСС.

Уште три лица се повредени во пожарот, кој изби во текот на ноќта во градот Зеленодолск, околу 650 километри источно од Москва, додека 88 пациенти и болнички персонал се евакуирани и се безбедни.

Според истражителите, пожарот избувнал во просторија во која имало четворица пациенти, а се верува дека причина за пожарот било краткок спој во струјата.

Пред две недели шест лица загинаа во пожар во болница во Санкт Петербург, а причина за пожарот беше дефект на респиратор.

Претходно на почетокот на мај, 11 лица ги загубија животите во пожар во болница во градот Красногорск, западно од Москва.