Турција има потврда дека нападот во Идлиб бил со хемиско оружје

Турција има податоци, кои покажуваат дека нападот во сириската провинција Идлиб бил извршен со хемиско оружје, изјави денеска турскиот министер за здравство Реџеп Акдаг.

Тој не соопшти детали за податоците со кои располагаат.

Акдаг истакна дека околу 30 лица, кои се повредени во нападот, се префрлени во турски болници. 

Во нападот загинаа 58 лица, а 170 беа повредени. Нападот се случи во гратчето Хан Шејхун, што се наоѓа во бунтовничка зона во северозападната сириска провинција Идлиб.