Турците најчести странски туристи во април
Турските граѓани биле најчести туристи во Македонија во април годинава. Според податоците на Државниот завод за статистика, во април земјава ја посетиле вкупно 39.334 странски туристи, од кои од Турција се 10.313, по нив следат Србите со 3.328 и Бугарите со 3.114.
Вкупниот број на туристите во април 2016 година изнесува 57.462, а бројот на ноќевањата изнесува 118.111. Најчесто посетувани се Скопје и езерските места.
Бројот на туристите во април 2016 година, во однос на април 2015, е зголемен за 9,9 отсто, а бројот на ноќевањата за 13,9 отсто.
Бројот на домашните туристи во април 2016 година изнесува 18.128 и во однос на април 2015 година, е зголемен за 16,6 отсто, а на странските туристи е зголемен за 7 отсто.
Бројот на ноќевањата на домашните туристи во април 2016 година, во однос на април 2015 година, е зголемен за 23,8 отсто, а бројот на ноќевањата на странските туристи е зголемен за 7,9 отсто.
Во периодот јануари-април 2016 година, во однос на истиот период од претходната година, бројот на туристите е зголемен за 14,4 отсто и тоа: кај домашните туристи има зголемување за 17,9 отсто, а кај странските за 12,5 отсто.
Во периодот јануари-април 2016 година, во однос на тој период од претходната година, бројот на ноќевањата е зголемен за 18,6 отсто и тоа: кај домашните туристи има зголемување за 27,7 отсто, а кај странските има зголемување за 12,6 отсто.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари