Уапсен човекот кој поради облог предизвика смртоносна полициска интервенција
Полицијата во американскиот град Вичита го идентификуваше и уапси човекот кој поради облог предизвика полициска интервенција во која беше убиен недолжен граѓанин.
Тајлер Реј Берис и бил познат на полицијата по претходни пријави за подметнати бомби и други лажни инциденти. Тој дури се фалел со тоа како лажно ги алармирал полицајците и предизвикувал интервенции на силно вооружени полициски сили пријавувајќи измислени заложнички драми или терористички напади.
Во четвртокот вечер Берис се јавил во полиција велејќи им дека го убил својот татко, го држи своето семејство како заложници и дека ќе ја запали куќата. Притоа тој им дал лажна адреса за инцидентот. Според првичните полициски информации, Берис го направил ова поради облог со свој пријател со кого играле видео игри на денот на инцидентот.
Кога полицајците интервенирале на адресата што им била дадена, вратата им ја отворил 28 годишниот Ендрју Финч, татко на две деца. Полицајците му наредиле да ги крене рацете во воздух. Тој ги послушал, но откако, по некое време, ги симнал рацете, еден од полицајците отворил оган и го убил Финч.
Инцидентот предизвика гневни реакции во САД, со повици за долга затворска казна за Берис.
Ново на Сител
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон