Уапсен маж од Северна Кореја, осомничен за убиството на полубратот на Кин Џонг-ун
Малезиската полиција уапси маж од Северна Кореја, кој е осомничен за убиство на Ким Џонг-нам, полубрат на севернокорејскиот лидер Ким Џонг-ун.
Ким Џонг-нам почина на Меѓународниот аеродром во Куала Лумпур, а се претпоставува дека причина за смртта бил брзодејствувачки отров.
Јужнокорејски и американски официјални претставници сметаат дека за неговата смрт се одговорни севернокорејски агенти.
Во извештајот на малезиската полиција се наведува дека маж, роден на 6 мај 1970 година, е уапсен доцна синоќа и идентификуван е како Ри Џонг Чол.
- Овој маж е осомничен дека е поврзан со убиството на Ким Џонг-нам, се додава во соопштението.
Уапсениот маж е четврто лице кое се поврзува со убиството на полубратот на севернокорејскиот лидер, а претходно се приведени една жена од Индонезија и нејзиното момче, како и една жена со виетнамски патни документи.
Уште најмалку три лица, кои се осомничени за ова убиство, се наоѓаат на слобода.
Ново на Сител
-
Вработените во културните институции преку протести си ја бараат изработената плата и покачувањето кое им следува
-
Протест на вработените во „Водовод“ - си ја бараат мартовската плата
-
Ракетен напад во Иран
-
Преглед на вестите од светот
-
МОН: Деновите од изборите ќе се одработуваат во две саботи, СОНК бара повлекување на одлуката
-
Втор ден кампања за парламентарните избори
-
Последни 4 дена од кампањата за претседателските избори
-
Дуалното образование се попривлечно за средношколците