Уапсена старица која предводела наркобанда, користеле рецепти за готвење како шифри
Римската полиција ја уапси 70-годишната Бјанка Зарфати, позната под прекарот „тетка Бјанка“.
Како шеф на банда, таа е обвинета за дистрибуција на дрога во северниот дел на Рим, пишува весникот „Ил фато Котидијано“.
Снимки од телефонски разговори откриваат дека членовите на бандата комуницирале едни со други користејќи шифриран јазик, па така тие дрогата ја нарекувале „пржени лепчиња“, „лазања“ или „шпагети со шкампи“.
Кога била уапсена тетка Бјанка се бранела велејќи дека само разменувала кулинарски рецепти.
Бандата била специјализирана за дистрибуција на кокаин, а прислушувањето преку телефон покажало дека се жалат едни на други „дека има малкумина кои сè уште работат сериозно, на стар начин и со кои дадениот збор непорекливо важи“.
Покрај шефицата тетка Бјанка, уапсени се и десетина нејзини соработници, а кај седуммина е утврдено дека добивале месечна парична помош од државата наменета за лица кои немаат никаков или помал приход од минималниот потребан за преживување.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово