Убедлива победа на Галатасарај против Гран Канарија

Кошаркарите на Галатасарај остварија убедлива победа со 14 поени разлика против шпанската екипа Гран Канарија во првиот полуфинален натпревар од Еврокупот. На средбата одиграна вчеравечер во Истанбул, Галатасарај забележа триумф со 89:75 (по четвртини 25:24, 24:18, 24:14 и 16:19).

Најдобри во победничката екипа беа, Чак Дејвис кој оствари дабл-дабл учинок од 18 поени и 10 скокови, Ерик Меколум кој исто така постигна 18 поени и српскиот интернационалец Владимир Мицов кој средбата ја заврши со 15 поени, шест асистенции и 4 скокови.

Кај гостите од Шпанија, најефикасен беше репрезентативецот на Словенија, Анел Омиќ со 15 поени.

Во првиот меч од полуфиналната рунда одигран во вторникот меѓу Стразбур и Тренто победа забележаа гостите од Италија со 74:68.

Реванш натпреварите ќе се играат на 6 април, а финалните дуели се закажани за 22 и 27 април