УО на МОК ја одби кандидатурата на Војнеска-Зикова

УО на Македонскиот олимписки комитет на седницата која заврши предмалку ја одбил кандидатурата на претседателот на Атлетската федерација на Македонија Александра Војнеска - Зикова со што единствен кандидат за наследник на д-р Васил Турпуркоски останува Даниел Димевски, поранешен претседател на Кошаркарската федерација на Македонија.

Кандидатурата на Војнеска-Зикова е одбиена бидејќи не го исполнувала условот да биде четири години на раководна функција во некоја спортска федерација.

Изборното собрание ќе се одржи утре во 18ч во х. Александар Палас. Зикова имаше поддршка од 13 членови на собранието на МОК.