Усмртен велосипедист на мостот „Гоце Делчев“

Во тешка сообраќајка денеска што се случи на мостот Гоце Делчев животот го загуби велосипедист. Според информациите од Министерството за внатрешни работи, во несреќата учествувале патничко возило марка „Пасат“ со скопски регистерски таблички и велосипедистот, кој починал на самото место. 

“Денеска (03.11.2025) околу 12.30 часот во СВР Скопје е пријавено дека на бул. „Гоце Делчев“ во Скопје се случила сообраќајна несреќа во која учествувале патничко возило „пасат“ со скопски регистерски ознаки, управувано од машко лице и велосипедист, кој починал на местото на настанот. По несреќата, возачот на возилото „пасат“ го оставил возилото и заминал од местото на настанот. Во тек е увид и се преземаат мерки за пронаоѓање на возачот”, велат од МВР.