Ужасни детали од семејната трагедија: Го избодел синот директно во срце, жената искрварила во дворот

Во село Долна Борина кај Мал Зворник, Маринко Илиќ (60) се сомничи дека со нож вчера ја убил невенчаната сопруга Ружа Томашевиќ (62) и синот Драгиша Илиќ (24) по што е уапсен/

Соседите тврдат дека телата на несреќната мајка и синот ги нашле во дворот.

-Слушнавме дека Маринко се скарал со Ружица и Драгиша и во еден момент тргна со нож на нив. Најпрвин сопругата ја избодел во слабината, па таа побегнала до првите соседи да побара помош. Меѓутоа искриварила до смрт пред вратата од куќата на соседот. 

За тоа време Маринко го нападнал синот, и ножот му го забодел директно во срце, па и тој издишал пред семејната куќа, наведуваат мештаните.

И покрај брзото доаѓање на полицијата и Итната помош, на несреќната Ружа и Драгиша, инаку одличен студент, му немало спас.

-Тие уште летоска го пријавија за семејно насилство. Ги малтретираше, а посебно кога ќе се напие малку повеќе. Пријавите не вродија со плод, па жената и синот живееја на спратот,а тој во приземјето. Не разговараа со него до неодамна, вели соседот.

Маринко набрзо е уапсен, и не давал отпор. Како што се дознава, бил доброволец во војната, па можно е да страдал од поствоен синдром.