Вардар порaзен од Барселона
Ракометарите на Вардар се поразени од фаворитот Барселона за првпат оваа сезона пред својата публика. Каталонците славеа со 30-26 и се искачија на врвото во групата .
На црвено-црните не им помогна одличната атмосфера во преполнетата сала Јане Сандански. Вардар лошо стартуваше и дозволи противникот да поведе со 5-1 но сепак се консолидира и фати резултатски приклучок. Само за кратко, Барселона пак се одлепи на 3-4 голови и на крајот од првиот дел заокружи 13-9.
Во вториот дел Вардар едноставно не доби шанса да се доближи и да направи притисок. Каталонците водеа со 6 голови долго време а највисокото водство изнесуваше 7 погодоци. Сепак на крајот пораз од 4гола по се што се случуваше.
Дибиров постигна 6 погодоци а Кристопанс 5 во нашиот тим додека Дика Мем со 8 голови беше најефикасен на мечот. Следниот викенд Вардар повторно ќе игра со Барселона но во каталоноската престолнина.
-
Зоран Николовски
Сите содржини од овој новинар