Владата се откажа од прогресивниот данок и даночните реформи - Какви се оценките од аналитичарите?

Даночната реформа, каде нема воведување нови даноци , за експертите е добра мерка. Власта покажа слух кон барањата на бизнисот.  

Со овие мерки, според нив, даночните обврзници нема да почувствуваат некој посериозен удар. За нив е добро што се укинува прогресивниот данок, добро е што хонорарците сами ќе одлучуваат дали ќе плаќаат даноци, што нема да се одданочуваат заштедите во банка. Сепак, зголемување на опфатот производи кои ќе се даночат ќе има. А власта не кажа кои и колку  се тие прозиводи што по Нова Година наместо 5 ќе имаат стапка 10 отсто.

Експерите бараат појаснувања како власта ќе се бори против сивата економијата. Се спомена само  електронската фактура, други мерки не беа презентирани. Сепак, очекуваат дека прибирањето на планираните пари, со ваквите решенија – ќе биде реализирано.

Министерот за финансии вели дека оваа реформа е праведна и нема да го наруши стандардот кај граѓаните во време на криза. Повисок данок од 5 на 10% ќе се се плаќа само кај луксузните производи. Стапката кај основните прехранбени ќе остане непроменета.

Инаку се размислува кога се празници да се воведе  еден или два викенди без ДДВ. Тогаш граѓаните ќе можат да ги купуваат основните производи, ослободени од данок. 

Со даночната реформа која ќе стартува од 1-ви јануари власта прланира да собере над 70 милиони евра.