Loading Video...
Бизнис
23. July 2021 - 16:39

ВМРО-ДПМНЕ ќе поднесе Закон за легализација на пазарот на криптовалути

Регулацијата на криптовалутите може да носи по половина милијарда евра во буџетот годишно. Затоа опозицијата ќе предложи закон со кој ќе се регулира оваа сфера. Даночни олеснувања за тргувањето со криптовалути е првиот чекор.

За познавачите на пазарот со криптовалути важно е земјава да пристапи кон регулација за овој сегмент веќе да не биде во сивата зона. Придобивките ќе бидат големи.

Тргувањето со криптовалути е регулирано во САД. Таму Илон Маск денеска објави дека автомобилите „Тесла“ повторно ќе може да се купуваат со криптовалути, по што нивната цена порасна.

Тргувањето е дозволено и во Германија. Таа е првата земја од ЕУ што го направи овој чекор. Во рамки на Унијата се уште се води дебата за тоа како да се класифицираат криптовалутите.