ВМРО-ДПМНЕ: СЈО е партиска испостава на СДСМ
ВМРО-ДПМНЕ денеска обвини дека СЈО е партиска испостава на СДСМ и оти има за цел спроведување на нарачаните хајки против врвот на нивната партија.
- Предметите кои СЈО ги покренува се правно неиздржани, без правни основи и докази, се засноваат на политички конструкции и се водат исклучиво против функционери на ВМРО-ДПМНЕ. Целта на монтираните случаи на СЈО е луѓето неосновано да се оцрнат, а партијата да се доведе во неповолна ситуација за претстојните локални избори, изјави Дарко Костовски од ВМРО-ДПМНЕ.
Според него, мерките кои СЈО ги бара се правно неаргументирани и служат само како материјал за медиумите на СДС за оцрнување на ВМРО-ДПМНЕ во очите на јавноста. Потсети на случајот „Триста“ кој, како што рече, се однесува на набавка на возила за потребите на МВР и исто како и сите други случаи на СЈО е политичка конструкција без основни докази.
- Случајот „Триста“ е подеднакво апсурден како и останатите кои ги поткренува СЈО. Никој од осомничените не се стекнал ниту со еден денар материјална корист, а СДС лажеше дека се краделе милијарди. Впрочем возилата уште се во сопственост на МВР и државата, а дел од тие кои беа набавени сега се во возниот парк на СЈО и ги управуваат нивните вработени, нагласи Костовски.
Тој потенцира дека сите случаи кои СЈО ги поткренало почнувајќи од „ТНТ“, „ТЕНК“, „Траекторија“ и други немаат правна аргументација и додаде оти барањата на мерките за претпазливост се неаргументирани и без основ.
- Предметите и обвиненијата на СЈО се типичен пример за политички конструирани случаи кои ниту еден суд нема да ги прифати. Целата хајка која СЈО/СДС ја водат против ВМРО-ДПМНЕ е со цел власта да може порелаксирано да ги исполни дадените ветувања за смена на името на државата, името на јазикот, името на нацијата и воопшто идентитетот, потенцира Костовски. Додаде дека ВМРО-ДПМНЕ и нејзините функционери работеле и работат согласно закон.
Ново на Сител
-
Столтенберг во дводневна посета на Германија
-
Сообраќајот тековно, по наместа влажни коловози
-
Променливо облачно со повремен дожд
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика