Во 13 сообраќајки вчера во Скопје еден загинат, десет повредени
Возач на патничко моторно возило загинал, а со тешки телесни повредни се здобиле двајца сопатници во една од вкупно 13 сообраќајки случени во текот на вчерашниот ден.
Пешак со тешки телесни повреди се здобил во една, а во пет сообраќајки со полесни повреди се здобиле седум лица. Во шест сообраќајки била причинета материјална штета.
Од МВР информираат дека вчера сообраќајната полиција открила и санкционирала поголем број прекршоци. Четириесет и осум возачи се движеле со брзина поголема од дозволената, пет возачи поминале на крстосница на црвено светло, тројца возачи не дале првенство на минување на пешаците на пешачки премин, пет возачи за неправилно престројување, еден возач за неправилно престигнување, како и тројца возачи за не користење на заштитен шлем на велосипед со мотор, мопед и мотоцикл.
Санкционирани биле и 16 пешаци кои поминале коловоз вон пешачки премин и еден пешак кој поминал коловоз на црвено светло.
Од сообраќај биле исклучени четворица возачи кои го управувале возилото под дејство на алкохол, седум возачи пред да се стекнат со право на управување на моторно возило, двајца возачи почетници, како и 12 нерегистрирани возила. Затекнати биле 48 непрописно паркирани возила.
Со помош на специјалното возило пајак, отстранети биле 43 возила.
Денеска ќе се одржи и посебна воспитна мерка – сообраќајна поука на која ќе присуствуваат граѓани учесници во сообраќајот кои сториле прекршоци по разни основи во својство на возачи (мобилен, појас, престројување и брзина).
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово