Во август намалени увозните цени на горивата
Увозните цени на горивата од одделот Кокс и рафинирани нафтени производи (19) во август годинава се пониски за 3,7 отсто на месечно ниво и за 10,7 отсто на годишно ниво.
Според податоците на Државниот завод за статистика, цената на моторните бензини е намалена за 7,4 отсто на месечно ниво, додека на годишно ниво бележи зголемување од 17,9 отсто. Кај дизел горивата има намалување од 2,0 отсто на месечно ниво и зголемување од 6,2 отсто на годишно ниво.
За разлика од нив, кај автоплинот, односно ТНГ горивото има намалување на цената и на месечно и на годишно ниво. На месечно ниво цената е намалена за 7,3 отсто, а на годишно за 12,9 отсто.
Како што информира Државниот завод за статистика, цените од одделот Кокс и рафинирани нафтени производи (19) се наменети за преиспитување или мониторирање на трошоците направени од градежните претпријатија при изведувањето на процесот на изградба. Главни корисници на податоците се градежните претпријатија, кои се повикуваат на движењето на трошоците од одделот Кокс и рафинирани нафтени производи (19) во калкулациите при склучувањето на градежните договори.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка