Во Финска слетал авион од Скопје со 24 патници позитивни на Ковид-19
На аеродромот во финскиот град Турку во саботата пристигнал авион од Скопје со 157 патници од кои 24 по извршеното тестирање биле позитивни на Ковид-19, соопшти министерката за семејни работи и социјални услуги на Финска Криста Киуру.
Поради тоа Финска ќе воведе задолжителни тестови за коронавирус и карантин за патници од земји со висок ризик, пренесува Ројтерс.
Министерката Киуру информира дека на аеродромот во Турку во саботата било организирано доброволно тестирање на сите патници кои пристигнале со летот од Скопје, откако властите утврдиле дека два неодамнешни авионски летови од Северна Македонија и Романија, се главни извори на нови инфекции со коронавирус во Финска.
Во иднина ќе биде задолжителен двонеделен карантин и ќе се прават тестови за коронавирус за секој што ќе пристигне од земја каде што има меѓу 8 и 10 случаи на Ковид-19 на 100.000 жители во последните 14 дена.
Авиокомпаниите ќе мора да ги информираат патниците дека ќе бидат тестирани по доаѓањето во Финска.
Непочитувањето на двонеделниот карантин ќе биде санкционирано со затвор до три месеци или парична казна.
Финска минатата недела имаше 2,3 заразени на 100 илјади жители. Во земјата досега се евидентирани 7600 позитивни на Ковид-19 и 333 смртни случаи.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.