Во Газиантеп направен најголемиот ашур во светот
Популарната ориентална слатка ашур од преку три тона беше приготвена во турскиот град Газиантеп, како симбол на мир, но и со цел да влезе во Гинисовата книга на рекорди, пишува турскиот весник на англиски јазик „Дејли Сабах".
Се смета дека десертот, познат и како „Пудингот на Ное", датира уште од времето на библискиот лик (меѓу другото, и пророк на Исламот). Ашурот е смеса од слатки и солени состојки, која го симболизира единството на различните етнички и религиозни групи.
Екипа од 27 готвачи го приготви десертот, за да го одбележи Меѓународниот ден на мирот, кој секоја година се чествува на 21 септември. Масата на ашурот изнесуваше точно 3.192 килограми. Намирници за составот - пченица, јатки и смокви, беа испратени од целата земја, како и од цел свет.
Освен со вкусната храна, Газиантеп последниве години стана познат и како прифатилиште за огромниот број бегалци од соседна Сирија.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари