Во Мјанмар ослободени 101 политички затвореници
Со Указ на претседателот на Мјанмар, Тиен Сиен денеска од мјанмарските затвори се ослободени 101 осуденици со долги казни, од кои најголемиот број се политички затвореници.
Ова е последниот акт на досегашниот претседател, кој ќе го заманет демократските сили на поранешната опозиција, која освои апсолутна победа на изборите во ноември минатата година.
Пред почетокот на изборната кампања во јули 2.015 година полувоената власт, која со Мјанмар управуваше повеќе од 50 години, објави амнестија за 6.966 затвореници, од кои 210 беа странци.
Големата амнестија не беше повод граѓаните на Мјанмар да ја поддржат власта на изборите. Најавата за амнестија и национално помирување беше еден од адутите со кои партијата на Аунг Сан Су Ќи ја освои изборната победа.
Идната недела ќе започне првото заседание на Парламентот во новиот состав. Во состав на Парламентот, според сегашниот Устав, 20 посто се пратеници делегирани од армијата, но и тие ветуваат дека ќе бидат дел од процесот кон враќањето на демократијата во Мјанмар.
Инагуарација на новите раководни личности во Мјанмар ќе биде завршена до почетокот на март. Аунг Сан Су Ќи, поради тоа што била во брак со странец, нема право да се кандидира за претседател на државата, но повеќе од сигурно е дека таа ќе биде главна личност која ќе одлучува за распределба на функциите и воспоставувањето на демократијата во државата.
Ново на Сител
-
Вработените во културните институции преку протести си ја бараат изработената плата и покачувањето кое им следува
-
Протест на вработените во „Водовод“ - си ја бараат мартовската плата
-
Ракетен напад во Иран
-
Преглед на вестите од светот
-
МОН: Деновите од изборите ќе се одработуваат во две саботи, СОНК бара повлекување на одлуката
-
Втор ден кампања за парламентарните избори
-
Последни 4 дена од кампањата за претседателските избори
-
Дуалното образование се попривлечно за средношколците