Македонија
9. May 2020 - 17:10

Во Охрид и Дебрца веќе нема позитивни на Ковид -19

Во општините Охрид и Дебрца веќе нема активни пациенти, односно лица позитивни на Ковид-19, информираат од Центарот за јавно здравје Охрид. Оттаму соопштија дека сите 15 лица кои беа позитивни на коронавирус од почетокот на епидемијата се оздравени.

Во Центарот за јавно здравје во Охрид изминатата седмица биле земени материјали (брис грло и нос) за тестирање на присуство на Ковид-19 од вкупно 76 лица и тоа 24 во Охрид и Дебрца, 34 од Струга и Вевчани, како и од 18 лица од општините Дебар и Центар Жупа.

-Од вкупно земените материјали, 48 се земени по епидемиолошки индикации (лица кои исполнуваат критериуми за дефиниција на случај) (Охрид и Дебрца 22, Струга и Вевчани 24, Дебар и Центар Жупа 2), а 28 материјали зе земени при скрининг тестирањето со упат од матичен лекар-МојТермин (Охрид и Дебрца 2, Струга и Вевчани 10, а Дебар и Центар Жупа 16). Од тестираните лица во овој период во општина Охрид и Дебрца не е лабораториски дијагностицирано присуство на Ковид-19 кај ниту едно лице, едно лице од општина Струга е позитивно на Ковид-19, а во општина Дебар и Центар нема нови позитивни. Оздравени пациенти од општина Охрид се девет, од општина Струга се седум, а од Дебар се двајца. Во Охрид денеска веќе нема активни лица позитивни на Ковид-19. Во овој период почина едно лице од Струга позитивно на вирусот, се наведува во соопштението од Центарот за јавно здравје.