Во поплавите и невремето на грчкиот остров Евија загинаа две лица
Во силното невреме со обилен дожд што го зафати грчкиот остров Евија и предизвика поплави, во два одвоени случаи загинаа две лица на 85 и 86 годишна возраст, откако биле заглавени и не успеале да ги напуштат поплавените домови.
Противпожарната служба на Грција примила над 150 повици за помош, а на островот итно заминува заменик-министерот за цивилна заштита на Грција Никос Хардаљас.
Градоначалникот на општината погодена од поплавите за грчката новинска агенција АНА-МПА ја потврдува информацијата за двајцата загинати, објаснува дека спасувачките служби трагаат по уште едно лице и изразува надеж дека нема да има и трета жртва.
Од Противпожарата служба на Грција соопштуваат дека интервеираат 72 пожарникари, пешадиски тим со специјална опрема, 26 возила, три чамци за спасување, а мобилизирани се и спасувачи со еден хеликоптер.
Според грчките медиуми, обилниот дожд предизвикал поплави, улиците биле претворени во реки, а голем број граѓани биле заглавени во нивните автомобли, но и во поплавените домови.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање