Во Штип одбележани 78-години од бомбардирањето на градот
Во Штип денеска беа одбележани 78 години од бомбардирањето на градот. Со евоцирање спомени, положување цвеќе на споменикот на жртвите од бомбардирањето на Штип во 1941 година и пригоден говор, денеска членовите на Општинската организација на Сојузот на борци, претставници на локалната власт и на државни институции го одбележаа настанот.
Пред споменикот говореа претседателот на Општинската организација на Сојузот на борци – Штип Петар Мицевски и градоначалникот на Штип Благој Бочварски.
– Многу е важно денеска да ја испратиме пораката – ова зло никогаш да не ни се повтори. Но, многу е важно да бидеме единствени во нашите напори и чекорења кон просперитетот, кон достигнување на европските и демократски вредности, рече Бочварски.
Под мотото „Никогаш да не се повтори“, денеска во Штип се одржа и традиционалната 43-та средба на цивилните инвалиди од војната на Македонија
– Секоја година 6 Април, цивилните инвалиди од војната го одбележуваат овој ден. Ние сме лица кои за целиот живот ги носиме врз себе последиците од војната. Нашата порака е никогаш вакво зло на луѓето да не им се случи. Мир да има засекогаш, рече Ѓорги Боризовски, претседател на ОО ЦИ од НОБ.
Во штипската организација на цивилните инвалиди од војната членуваат 60 лица, а на државно ниво бројката е 600 членови.
Ново на Сител
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ