Македонија
31. January 2023 - 8:19

Времето денеска променливо облачно со слаби врнежи од снег

Времето денеска ќе биде променливо облачно, а локално ќе има слаби врнежи од снег. Ќе дува умерен до засилен ветер од северен правец. Минималната температура ќе биде во интервал од -5 до 0, а максималната ќе достигне од 1 до 9 степени, соопштија од Управата за хидрометеоролошки работи.

Во Скопје времето ќе биде променливо облачно, во делови од котлината со провејување на слаб снег. Ќе дува умерен до засилен ветер од северозападен правец. Минималната температура ќе се спушти до -1, а максималната ќе достигне до 6 степени.

И во следните денови ќе се задржи студено време со утрински температури кои насекаде ќе бидат под нула. Во среда ќе има преодно стабилизирање на времето, а од четврток попладне повторно се очекуваат локални врнежи претежно од снег.