Балкан
15. March 2020 - 20:34

Вучиќ прогласи вонредна состојба во цела Србија

Српскиот претседател Александар Вучиќ по вечерашниот состанок со Кризниот штаб и со Владата кажа дека воведува вонредна состојва на целата територија на Србија.

„По искуствата и се што сме поминале, недоволна дисциплина во разбирање на пораките што ги праќавме, а врз основа на Уставот на Србија и по барање на министерот на одбрана и премиерката, ве известувам дека донесовме одлука за вонредна состојба на територијата на цела Србија, рече Вучиќ.

„Србија денека е во војна со невидлив противник, опасен противник која мора да го победиме. Борбата што претстои е борба за нашите родители, но и за иднината на Србија. Нашите постари, родителите ги изградија нашите градови, направија се што имаме, денес се тие нападнати пред се и затоа мораме да направиме се што можеме да им помогнеме“, изјави Вучиќ во обраќањето.

Тој додаде дека ако мора, за 72 часа ќе донесат обврзувачка одлука сите да останат дома, доколку се крши дисциплината со вонредната состојба и кај само еден процент од граѓаните.

„Пензионери, ве молам не излегувајте од дома, не излегувајте никаде, ќе имате помош за се. Многу поорганизирани држави од нас паднаа на овој испит. Ве молам не излегувајте од дома“, повикуваше Вучиќ.