Забрана за влез и кривични за учесниците кои се исмеваа со Црквата на „Европрајдот“ во Белград
Министерот за внатрешни работи Александар Вулин најави дека денеска или утре ќе поднесе кривична пријава против дел од учесниците на манифестацијата „Европрајд“ во Белград, а на одреден број лица ќе им издаде забрана за влез во Србија.
„Дали сте го виделе однесувањето на некои од учесниците на геј парадата? Го видовте ли оној како ги соблекува панталоните пред црквата? Се надевам дека денеска, евентуално утре, ќе поднесеме кривична пријава против некои од нив, бидејќи ќе издадеме и забрана за влез на одреден број лица“, изјави Вулин при посетата на ТВ Пинк, пренесе Танјуг.
Зборувајќи за тоа што известувачот на Европскиот парламент, Владимир Билчик, учествувал на Европрајд и повикал на негово одржување и покрај првичната забрана од полицијата, Вулин оценува дека тоа „воопшто не било политички пријатно“.
„Ако одам во Германија, Словачка или во која било друга земја и кажам ‘таа одлука на надлежните органи не ви е најдобра, ќе дојдам на тој собир што го забранивте’, не сум сигурен дека ќе ме пуштат во земјата“, рече тој.
Според него, поединци барале Билчик да биде уапсен поради тоа, но Вулин посочува дека има дипломатски имунитет, а Србија е земја која ги почитува сопствените и меѓународните закони.
„Кога имате дипломатски имунитет, можете да бидете уапсени доколку ве фатат во извршување на кривично дело за кое се гони по службена должност за казна над пет години. Да бидеме реални, така функционира и не може поинаку“, рече министерот.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово