Загинаа тројца грчки војници и двајца преведувачи во сообраќајка во Либија

Тројца припадници на грчката армија и двајца преведувачи го загубија животот во сообраќајна несреќа во Либија.

Несреќата се случила под засега неразјаснети околности. Возило удрило во автобусот со грчката хуманитарна мисија додека тие се движеле од аеродромот во Бенгазе кон поплавениот град Дарна.

Министерот за одбрана на Грција изрази длабока тага за смртта на тројцата припадници на армијата како и за загубата на животите на двајцата цивили кои беа дел од истата мисија и соопшти дека со негова одлука прогласена е тридневна жалост во армијата. 

Грција вчера испрати хуманитарна помош во Либија, односно медицински и болнички персонал, медицинска и фармацевтска опрема и храна.