Македонија
10. March 2020 - 8:51

Започнува проектот „Иднина без пластика“

Со засадување садници во дворот на ОУ „Димитар Миладинов“ Скопје, денеска официјално од делегации на Македонија и Бугарија ќе биде означен почетокот на проектот „Иднина без пластика“.

На настанот ќе присуствуваат министерката за надворешни работи на Република Бугарија Екатерина Захариева, бугарскиот амбасадор во земјава Ангел Ангелов, специјалната координаторка за Берлинскиот процес при бугарското МНР Даниела Будинова, како и министрите за надворешни работи Никола Димитров, за здравство Венко Филипче и за животна средина и просторно планирање Насер Нуредини.

Проектот „Иднина без пластика“ е финансиран од Министерството за надворешни работи на Република Бугарија во рамките на Бугарската оперативна програма за развој.