Македонија
18. March 2023 - 12:34

Затекнати малолетници по полноќ во угостителски објект во Битола

Полициски службеници затекнале тројца малолетници по полноќ во угостителски објект во Битола. Полицијата ги предала на родителите, а против угостителот ќе следува пријава.

МВР информира дека ноќеска, во 01.10 часот, од страна на полициски службеници од криминалистичката полиција при битолското СВР била извршена контрола во угостителски објекти на подрачјето на Битола.

- За време на контролата, во објект лоциран на улица „Климент Охридски“ биле затекнати тројца малолетници. Тие се предадени на родителите, а по документирање на случајот против угостителот ќе следува соодветен поднесок, соопштуваат од МВР.