Затвореник тврди дека отслужил доживотна казна оти на кратко бил прогласен за мртов
Американски суд отфрли ослободително барање на затвореник, кој тврдел дека отслужил доживотна казна бидејќи на кратко бил прогласен за мртов.
Шеесет и шестгодишниот Бенџамин Шрајбер е осуден на безусловна доживотна робија во државата Ајова, откако во 1996 година претепал човек до смрт.
Тој тврди дека ја отслужил доживотната казна затвор, бидејќи пред четири години за време на операција срцето на кратко му престанало да работи, но подоцна е вратен во живот.
Судиите го отфрлиле барањето на Шрајбер со образложение дека, иако е оригинален, не е доволно убедлив.
Тој во 2015 година добил сепса, а претходно почнал да му се движи камен во бубрегот. Лекарите во болницата морале да го реанимираат, но тој целосно заздравил и се вратил в затвор.
Затвореникот во жалбата нагласил дека лекарите го оживеале против негова волја, а неговата кратка смрт значела дека, технички гледано, тој ја отслужил казната.
Сепак, во заклучокот од судското образложение при отфрлање на жалбата, се истакнува дека казната на Шрајбер ќе биде завршена дури кога стручно лице ќе констатира смрт.
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје