Жестоки судири избија во Јужен Судан
Жестоки судири избија вчера во јужносуданскиот град Пагак, во близина на границата со Етиопија. Бунтовниците почнаа офанзива против владината армија, изјавија нејзини претставници.
Портпаролот на бунтовниците, Лам Пол Гејбриел изјави дека тие се обидуваат да се вратат во Пагак, кој на 7 август беше преземен од владини сили.
- Одлучивме да преземеме офанзива против нив, затоа што Пагак е нашата база. Тие ни ја зедоа, а ние сакаме да ја вратиме. Засега не можам да кажам дека имаме целосна контрола, но на пат сме тоа да го сториме, додаде тој.
Диксон Гатлук Џок, портпарол на силите на јужносуданскиот прв вицепретседател Табан Денг потврди дека се водат борби.
- Околу пет часот изутрината силите на Владата во Џуба беа подложени на напад во Пагак. Главната цел им е да ги истиснат нашите сили од градот Пагак, кој има стратешко значење, изјави тој.
УНМИСС, мировната мисија на ОН во Јужен Судан соопшти дека ситуацијата во Пагак е исклучително загрижувачка и ги повика завојуваните страни да покажат воздржаност.
Ново на Сител
-
Бојмацалиев: ОВР Дебар поднесе рекордни 55 кривични пријави за дивоградби во 2023
-
МНР: Состанок на заедничкиот експертски комитет за историски, археолошки и образовни прашања согласно Преспанскиот договор
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ