Живот
25. February 2017 - 18:51

Знаете ли што е ова? На брегот во Филипини се насукало големо влакнесто суштество!

После силните земјотреси на Фиипините, на брегот се насукаа многу работи и животни, а помеѓу нив едно мистериозно суштество.

Големо и влакнесто со бела боја се насукало на брегот на островот Динагат. Филипинците побрзале да се фотографираат со мистериозното суштество, а медиумите почнале да шпекулираат за тоа што би можело да биде.

На социјалните мрежи има бројни, дури и креативни коментари. Па така некои напишаа дека се работи за Трунко, суштество пронајдено во Африка 1924 година кое било слично на животно кое личи на комбинација од кит и поларна мечка, а други дека се работи за Аппи, измислен лик од серијата “Avatar: The Last Airbender”. Поединци напишале дека се работи за големо Шит цу, а филмаџиите се осврнаа на сличноста со суштеството од филмот “Недовршена приказна“.

Научниците пак објаснуваат  дека се работи за труп од кит тежок 2000 килограми, а долг 6 метри. Телото му попримило бела боја поради последици од распаѓање, а се претпоставува дека китот умрел пред две недели кога удрил во брод.