30.000 вакцини против грип пристигнаа во земјата – имунизацијата за една недела

30.000 вакцини против грип од европски и од јужно корејски производител пристигнаа во земјата, потврди министерот за здравство.

Клековски во изјава за Сител вели дека имунизацијата нема да доцни и ќе стартува навреме како и секоја сеозна.

Вацините се бесплатни за ризичните групи а до средината на ноември треба да пристигнат уште 26 000 дози.

- Првите количини пристигнаат вчера во земјата и ќе бидат подлежни на неопходните проверки и тестирања. Очекуваме во вторник да биде активен системот Мој термин за пријавување за вакцинација и согласно планираното, до крајот на неделата или почетокот на следната недела да почнеме со повикување на граѓаните за вакцинација, изјави Сашо Клековски, министер за здравство.

Претходно, здравствените власти кажаа дека тендеррот за набавка на вакцини пропадна бидејќи не се јави ниту еден производител, а проблемот е глобален бидејќи СЗО ги промени соевите а тоа предизвика доцнења во производството и испораката.

Ланската сеозна Министерството за здравство набави 80 000 вакцини кои беа бесплатни за ризичните групи, а најавија дека и за оваа сезона ќе прават напори за што повеќе имунизирани.

- Ние со овие 30.000 вакцини очекуваме, можеме да вакцинираме по 1.500 граѓани во работни денови до 15 ноември, а потоа со 26.000 дози можеме да стигнеме до 56.000 до крајот на ноември и се надевам до тогаш ќе стигнат и тие 25.000 - 30.000 до бројката од 80.000 вакцини планирани, изјави Клековски.

Во соседна Србија се уште не е најавено кога ќе почена имунизацијата против грип, додека, пак во Словенија таа ќе стартува на 2 ноември.

Инаку, беплатните вакцини се наменети за постари од 65 години, лица со хронични заболувања, трудници, здравствени работни и деца до 5 годишна возраст.

Минатата сезона во земјата заврши со над 17 илјади заболени и четворица починати поради компликации од вирусот.